X Certame de relato curto

 

O alumnado de 6º curso participou este ano no X Certame de Relato Curto, esperamos que teñan moita sorte contando as súas vivencias 🙊 

1 de Abril- Día das Artes Galegas

 

 Feliz Día das Artes Galegas!

 

Debido a que este ano está adicado a Francisco Asorey, un dos máis grandes dos escultores galegos, no cole en relación co noso proxecto das Olimpiadas decidimos facer un busto deportista. Por aquí vos deixamos as nosas creacións.

 

21 DE MARZO- DÍA DA POESÍA

 

 Para conmemorar o Día da Poesía (21 de marzo) , fixemos poemas ilustrados, que posteriormente compartimos co CEIP As Bizocas.

Tamén deixamos por aquí a ligazón deles para que poidades ver os poemas que elaborou o Club de Lectura: Preme aquí para ver os video-poemas

Grazas polo voso traballo compañeiras e compañeiros!

17 DE MARZO- DÍA DO CÓMIC

 

 O pasado 17 de marzo foi o Día do Cómic. Para conmemoralo tivemos con nós a Nadia para realizar un obradoiro de banda deseñada. Falamos das técnicas básicas do debuxo e fixemos unha pequena páxina de cómic autoconclusiva para que as nenas e os nenos se familiarizasen co medio.

15 DE MARZO- DÍA DOS DEREITOS DO CONSUMIDOR

 O pasado 15 de marzo conmemorouse o día dos dereitos do consumidor e desde o cole fixémolo mediante un obradoiro saudable. Transformámonos en cociñeiros/as por un día, fomos á tenda e creamos unhas brochetas de froitas deliciosas, que despois puidemos degustar.

Falamos dos dereitos que temos como consumidores, da importancia de que o que comemos sexa de tempada, local e dos perigos que teñen moitos alimentos para o noso organismo e a nosa saúde.

Preparamos a froita e puxemos a mesa...

Pero tamén os nosos propios gorrros de cociñeiros e cociñeiras

E despois puxémonos mans á obra!!

No 2º curso de Educación Primaria, estimulamos os nosos sentidos, especialmente o do gusto e do tacto. Traballamos as formas da froita, a posición dos números ao colocalos na brocheta, pero sobre todo probamos moitos tipos de froita!

AS NOSAS EMOCIÓNS- RAQUEL PEDROUSO

 

E continuando coas emocións, tamén tivemos a sorte de ter con nós a Raquel Pedrouso, para falar cos nenos e as nenas sobre a saúde e a importancia de benestar emocional. 

Raquel foi moi empática cos nosos nen@s e deunos moitos consellos para seguir traballando en materia de saúde mental e benestar emocional. 

Grazas Raquel!!