Benvidas e benvidos ao 3º Telexornal de Conmeniño!
Presentado por nós, o alumnado de 4º de Primaria.
Neste último trimestre fixemos un montón de actividades e queremos compartilas convosco presentando o noso proxecto final.
Non perdades detalle, que o curso remata pero as ganas de contar todo… seguen rodando!
A pasada semana no cole demos vida a uns estoxos moi especiais: pintámolos con pintura eco-sostible!
O alumnado de 5º e 6º participou nos últimos meses en varios obradoiros de creación artística dentro do programa DepoEmprende na Escola. Durante este tempo, deseñaron e elaboraron con moita dedicación unha gran variedade de produtos: pulseiras, colgantes, chaveiros, marcapáxinas, figuras decorativas e outros pequenos tesouros feitos a man.
Neste post recollémolo todo en imaxes : os materiais, o proceso e os resultados finais das súas creacións, que este xoves levarán a Pontevedra para vender nun mercado escolar xunto a outros centros participantes.
Todo o recadado será doado á Asociación de Enfermedades Raras, convertendo este proxecto nunha aprendizaxe solidaria e chea de valor.
.jpeg)
.jpeg)
.jpeg)
.jpeg)
O alumnado de 1º mergullouse no mundo do cine dentro do PDI Ollarte. Inspiráronse en Chaplin para crear dúas películas cheas de creatividade e humor. Prepararon todo: decorados, vestiario… ¡ata venderon entradas!
🎟️ As familias e o resto do alumnado asistiron á estrea en primicia, coma nun auténtico festival de cinema. Foi todo un éxito, cargado de emoción, traballo en equipo e moita ilusión.
Animamos a todas as familias do cole a participar nesta nova edición do noso concurso fotográfico, onde o protagonista é o entorno natural que nos rodea 🌿
O obxectivo: capturar con creatividade a beleza, os detalles e a arte que se agochan na natureza.
.png)
No último día de clase celebraremos unha xornada de portas abertas na que o alumnado e as súas familias poderán gozar dunha experiencia única no noso particular museo.
Durante esta visita, presentarase a exposición do Concurso de Arte na Natureza, unha mostra de traballos nos que o noso alumnado puxo en práctica a súa creatividade, sensibilidade artística e respecto polo medio ambiente. Cada obra é unha pequena fiestra á maneira que teñen de observar e interpretar a natureza que os rodea, convertendo elementos naturais en auténticas expresións artísticas.
Animamos a todas as familias a participar, compartir este momento e descubrir, xunto cos nenos e nenas, todo o que foron quen de crear e aprender ao longo do trimestre. Será unha marabillosa forma de pechar o curso, celebrando a arte, a ciencia e o vínculo co entorno.
A continuación recóllese unha selección de actividades pensadas para estimular a creatividade a través da escrita. Estas propostas teñen como obxectivo fomentar a expresión persoal, o xogo coa linguaxe e o desenvolvemento de ideas orixinais, tanto no ámbito educativo como no persoal. Xa sexa para atopar inspiración, mellorar as habilidades narrativas ou simplemente gozar do pracer de escribir, aquí atoparás exercicios variados para comezar a crear dende cero.
- Escritura de contos por parellas
En parellas o alumnado de terceiro crearon un conto de fantasía.
.jpeg)
A semana pasada visitounos Alouette Machine, unha imprenta itinerante que recupera a técnica artesanal da tipografía. Dentro do proxecto de Biblioteca Creativa, realizamos un obradoiro práctico no que participou todo o alumnado do centro, desde 4º de Educación Infantil ata 6º de Primaria.
Durante a actividade, as nenas e nenos puideron experimentar co deseño e a impresión manual, empregando letras de madeira e tintas sobre papel. Cada grupo achegou a súa creatividade para contribuír á decoración dun novo espazo común no centro, pensado para favorecer a cohesión de grupo, o benestar emocional e a convivencia.
Foi unha experiencia moi enriquecedora, que mesturou expresión artística, traballo colaborativo e aprendizaxe significativa. Moitas grazas a Alouette Machine por acompañarnos nesta aventura creativa!
Queremos agradecer á mamá de Thiago, Valentina e Alba que ao longo deste trimestre achegáronse á aula de 5 anos para realizar obradoiros artísticos co alumnado. Foron actividades creativas, divertidas e moi enriquecedoras, nas que a arte e ás emocións serviron de ponte entre escola e familia. Grazas por compartir o voso tempo, entusiasmo e saber facer!
Hoxe celebramos o Día das Letras Galegas cunha xornada de convivencia no CEIP As Bizocas. Gozamos coa actuación das cantareiras Abiñadoira de Sanxenxo, e xuntos cantamos, tocamos e bailamos unha canción preparada previamente.
Foi un encontro cheo de emoción, onde a lectura saíu das páxinas para converterse en música, movemento e comunidade.
Durante esta xornada:
Falamos do libro e do legado das cantareiras na nosa cultura.
Cantamos, tocamos e bailamos todos xuntos unha canción tradicional galega, sentindo a forza da unión e da tradición.
Reflexionamos sobre o valor da música como forma de expresión, de resistencia e de celebración colectiva.
Foi unha experiencia inesquecible onde, máis alá da lectura, compartimos vivencias, risos e emocións, mantendo viva a memoria e o espírito das cantareiras galegas que tanto teñen contribuído á nosa identidade.
“Canta, miña compañeira” converteuse así nunha chamada a seguir cantando, a seguir unidas e unidos arredor da nosa lingua e das nosas raíces.
Así quedou o noso mural, creado por todos os nenos e nenas na formación de imprenta creativa, que da lugar ao noso novo recuncho. Nel mestú...
.jpg)
