CLUB DE CIENCIAS

Ola familias, este ano estamos inmersos no Proxecto Club de Ciencias, co obxectivo de proporcionar un escenario propicio para desenvolver estratexias metodolóxicas que promovan capacidades, coñecementos e técnicas, a través dunha invitación ao descubrimento, que aumenten o interese dos participantes por saber, cada vez máis, sobre diversos campos da Ciencia e as súas posibilidades de aplicación na Tecnoloxía. 

Nesta entrada do blog, iremos colgando todas aquelas actuacións que se van facendo para dar resposta ao obxectivo do proxecto.

Ledicia, emoción, expectación... e sobre todo moitas ganas de aprender e experimentar!

Como ben sabedes, unha boa científica, ou un bo científico, ten que ter un bo método, polo que demos comezo a esta andaina revisando as partes do... 

Método Científico!!!

Visionamos este capítulo de Ciencia animada, anotanto cada un dos pasos do método, xa que a continuación tiñamos que poñelo en práctica.

 E chegou o momento de pasar á acción, rexistrando cada un dos pasos, observacións, hipóteses... do noso primeiro experimento:

O FLUIDO NON NEWTONIANO

Rematamos a sesión analizando os resultados obtidos, que cada equipo presentou ao resto do Club.

Aínda que os resultados non foron os agardados, esto brindounos a oportunidade para reflexionar sobre o ocurrido, facernos preguntas e introducir as modificacións que consideramos oportunas (neste caso observaron que a fariña de millo era moi grosa e era preciso cambiala no seguinte intento).

Circuítos eléctricos, coa axuda de Sara Collazo, colaboradora de David Ballesteros (Ceo Aberto).
Aprendimos a realizar circuitos eléctricos utilizando materiales moi sinxelos:
- plastelina conductora (recoñécese por ser máis blanda)
- plastelina illante (máis dura que a anterior)
- luces led
- baterías cableadas (como fonte de alimentación)
Comezamos facendo un circuito básico aberto, conectando os leds coas baterias a través da plastelina condutora.

A continuación, argallamos a formar de crear un cortocircuito así como a forma de evitalo: utilizando a plastelina illante, que fai unha barreira de protección que impide o paso da electricidade, protexendo ao montaxe de cortocircuitos eléctricos.

Ademais, experimentamos introducindo nos circuitos diferentes elementos: interruptores, hélices, son...

Por último, e aproveitando o ambiente de nadal, elaboramos un circuito eléctrico paralelo con fita de cobre, unha pila e un led, utilizando unha base de papel! Unha maneira divertida de entender como funcionan as postais de Nadal interactivas.

Densidades: experimento de mezcla heteroxénea e densidade.

Espaguete challenge:

O obxectivo deste reto era conseguir crear unha estrutura o máis alta posible que se sostivera por si sola, facendo uso únicamente de 10 espaguetes, cinco malvaviscos e fita adhesiva. A única premisa era que un dos malvaviscos tiña que estar no cumio da construción, sen subrir ningún tipo de modificación.

Así que os nosos equipos puxéronse mans á obra aplicando diferentes técnicas e estratexias para que a estructura fora collendo forma.

Non imaxinades a de veces que, cando casi o tiñan conseguido, a caprichosa estrutura desbaratábase e era necesario volver comezar ou introducir as modificacións precisas: facer unha base máis estable, reforzar algunha parte para aumentar a resistencia, tentar repartir o peso dalgún xeito...

Máis os nosos especialistas non se deron por vencidos en ningunha ocasión, seguiron traballando en equipo e buscando solucións incansablemente.

Bolboretario:

Dende xa fai dous cursos escolares, adicámonos a observar o ciclo da especie Papilio Machaon, unha das bolboretas máis grandes e fermosas que habita a nosa Península.

Este impresionante lepidóptero acostuma a pór os seus ovos no fiuncho que medra nos camiños, pranta da que se alimenta. Máis cando chega o tempo de desbroce, moitos ovos e eirugas non chegan a completar o seu ciclo.

Así, decidimos probar sorte e tentar darlle unha oportunidade a algunha delas. Aínda que ao principio cometimos moitos erros por descoñecemento, pouco a pouco fomos aprendendo como criar a estas sorpredentes criaturas a conseguir que catro delas completaran o ciclo.

A continuación podedes ver o que observamos e aprendemos nestes dous anos de investigación.

Agora que xa sabemos tantas cousas sobre a Papilio Machaon e as súas necesidades, abrimos a sesión expoñendo os bocetos para a contrución dun bolboretario.

Despois de expoñer cada un dos proxectos, acordamos que o bolboretario tiña que cumplir coas seguintes condicións:

- A localización do mesmo ten que ser nun lugar do patio onde dea o sol e ao mesmo tempo teña algo de sombra, afastado das zonas de xogo con pelotas ou outros xoguetes que poidan sair despedidos.

- A estrutura será de madeira, con forma de prisma cuadrangular, e as caras do mesmo, de malla moi fina, para impedir que entren moscas e avespas, grandes inimigos das eirugas.

- Debe contar con suficiente espazo para que poidamos entrar a observar e coidar ás eirugas, e que as bolboretas, no momento de nacer, non tiveran dificultades para estirar as ás e evitar que poidan mancarse.

- Haberá que mercar bastantes plantas de fiúncho para non ter que estar recollendo o mesmo no exterior cada dous días.

- Ademais, contaremos cun pequeno "hospital de bolboretas" na aula, para atender a aquelas que poidan nacer con algunha malformación nas ás e ou aqueloutras que precisen algún tipo de coidado especial.

- Como máximo albergará cinco bolboretas.

Actualmente xa temos unha idea máis clara do que queremos e precisamos, so queda falar con Fran, o noso conserxe favorito, para que nos axude a facer realidade este proxecto que tanta ilusión nos fai.

Xoguetes ópticos

Aproveitando que tivemos unha optometrista no cole coa que aprendimos unha morea de cousas, nesta sesión do Club de Ciencias decidimos recrear un artiluxio que demostra algunhas eivas da nosa visión: o traumatropo!

O traumatropo é un xoguete óptico creado por John Ayrton París a principios do século XIX, que tentou demostrar que as imaxes que precibimos permanecen na nosa retina unha décima de segundo antes de desaparecer por completo, o que fai que se funda coa seguinte imaxe, creando unha sensación de movemento.

Para facer o tramatropo fixemos círculos de cartón, aproveitando para repasar diferentes conceptos como o diámetro, o radio, e tomar medicións para ser exactos co uso do compás.

Unha vez recortados os círculos de cartón, fixemos outros dous de papel para poder ilustrar as dúas caras do noso xoguete, que posteriormente pegaríamos no cartón.

Para facer os debuxos quitamos algunhas ideas de internet, aínda que cada un de nós lle deu o seu toque persoal.

Por último, enganchamos dúas gomas elásticas a ambos extremos do círculo e fixémolas xirar coas puntas dos dedos.

Para que o entendades mellor, aquí vos deixamos os resultados das nosas creacións.

Slime, bombas de baño e polímeros

Na sesión do xoves volveu a acompañarnos Sara Collazo, de Ceoaberto. Tal como esperabamos, foron dúas horas moi divertidas nas que aprendimos un mundo de cousas.

Primeiro fixemos bombas de baño perfumadas, seguindo un texto instructivo para a súa elaboración.

Ao rematar, aplicamos as fórmulas máxicas de Sara para crear dous slime diferentes, con distintos ingredientes.

Para rematar, creamos uns pequenos chaveiros con polímeros termomoldeables, aos que lle pegamos unha NFC cunha ligazón a un videoclip musical.

Podedes ver un resumo da sesión no seguinte vídeo.

Moitísimas grazas, Sara!👏👏👏

Reto do ovo

Nesta sesión do Club de Ciencia levamos a cabo un novo reto que consistía en elaborar unha estrutura que permitise botar un ovo pola fiestra da biblioteca sen que escachase ao bater co chan.

Para elaborar a estrutura utilizamos os seguintes materiais:

- un ovo

- unha bolsa do lixo

- fita adhesiva

- un vaso de cartón

- depresores de madeira

- escarvadentes

- palliñas de papel

- tres globos

- fío de algodón

Podían utilizar todo o material da listaxe que quixeran, coa condición de que o ovo, dentro do vaso, non podía estar cuberto por ningún elemento.

Así que, puxéronse mans á obra, expremendo os miolos para superar o reto.

Todos os equipos o conseguirían? 😅🙊

Podedes ver o resultado no seguinte vídeo:

Observación con lupas no patio

Na derradeira sesión do Club de Ciencias estivemos analizando todo o traballo realizado, valorando todo o aprendido e aportando achegas para o vindeiro curso.

Próximamente poderedes ver un vídeo resumo elaborado polo alumnado no que contan cousas moi interesantes e aportan ideas para pór en práctica nun futuro.

Posteriormente, todos os membros do Club recibiron un agasallo como recoñecemento ao traballo realizado, o esforzo, o interese, a ilusión e a actitude tan positiva que amosaron en cada unha das tardes que partillamos en equipo.

Entregadas as lupas, estiveron observando diversos insectos con elas na propia biblioteca, ata que chegou o momento de sair ao exterior para observar a vida pequeniña que convive con nós no patio.

Cun caderno de campo para rexistrar os achados e unhas tabletas para tirarlles fotos aos seres vivos, pasamos a tarde traballando en equipo e compartindo observacións e datos curiosos.